यड्राव येथील प्लाॕटधारक तिव्र आंदोलनाच्या पावित्यात .

यड्राव (प्रतिनिधी ) यड्राव (ता . शिरोळ ) येथे औद्योगिक वसाहत आसल्याने येथे स्थायिक होणारे कष्टकरी , कामगार वर्ग , मजूर व उद्योजक मोठ्या प्रमाणात येथे आहेत . सन 2002 ते सन 2015 या कालावधीत प्रथमेश , संभव , पार्श्वनाथ , मँचेस्टर यासारख्या विकसकांनी जमिनी घेऊन रितसर प्लाॕटींग करुन विकसीत केल्या . अशा प्रकारचे प्लाॕटींग सर्वसामान्य लोकांना खरेदी करणे आवाक्याच्या बाहेर आहे , आणि ते गोरगरिबांना न परवडणारे आहे . असे यड्राव हद्दीतील प्लाॕटींग खरेदी करुन घराचे स्वप्न पहात असताना काही विघ्नसंतोषी लोकांनी जिल्हाधिकारी यांच्याकडे तक्रारी करुन 7 / 12 आणि डायरी उतारा नोंद रद्द करण्यास भाग पाडले . यामध्ये गोरगरिब,  कष्टकरी प्लाॕटधारकांचे हक्काचे घर बांधण्याचे स्वप्न अपूर्ण राहीले .                                              तसेच गट नं . 505 , 506 मधील सर्वसामान्य , कष्टकरी नागरीक आहेत . असे असताना शिरोळ तहसिलदार यांनी दि . 10 / 10 / 2024  रोजीच्या पत्रानुसार गट नं . 505 व 506 यामधील एकूण 39 प्लाॕट पैकी फक्त 25 प्लाॕटचे फेरफार नोंद रद्द करण्याचा आदेश पारित केला आहे . सदरील कारवाई ही सुडबुध्दीने केल्याचे यातून दिसून येते . ज्या तक्रारदाराने तक्रार केली त्याने विकसकावर कारवाई करण्याचे सोडून सर्वसामान्य प्लाॕटधारकांच्यावर कारवाई केली आहे . यामगचा अर्थ समजत नाही . त्यामुळे तक्रारदाराबाबत प्रचंड असंतोष  निर्माण झाला आहे . याची परिणीति म्हणून जिल्हाधिकारी , प्रांताधिकारी , तहसिलदार आणि ग्रामपंचायत यड्राव यांचे प्लाॕटधारकांच्यावर जी कारवाई केली तीच कारवाई यड्राव हद्दीतील ज्या ज्या गट नंबरमध्ये ओपन स्पेस सोडलेला नाही , त्या गट नंबरातील सर्व 7 / 12 , डायरी उतारा , फेरफार नोंदी रद्द करण्यात याव्यात असे नमूद करण्यात येत आहे . यासाठी सर्व अन्यायग्रस्त सर्वसामान्य प्लाॕटधारकांनी एकत्रीत येऊन  आंदोलन , उपोषण व आत्मदहन यासारखे तिव्र आंदोलन करण्याचा इशारा दिला आहे .                                     चौकट .                                                संजय बाबासो पाटील रा . विक्रमनगर इचलकरंजी यांनी सदरच्या फेरफार बाबतीत तक्रार दाखल केली होती . सदरील तक्रार त्यांनी मागे घेऊन सुध्दा तहसिलदार यांनी कारवाई सुरू ठेवली आहे . याबाबत सुध्दा प्लाॕटधारकांमध्ये संशय निर्माण झालेला आहे .