कुपवाडच्या तरुणाचा उदगावमध्ये निर्घुण खुन* दोघे संशयीत पोलिसांच्या ताब्यात
याबाबत पोलिसांतून मिळालेली माहिती अशी, कुपवाड येथे २०२० मध्ये दत्ता पाटोळे या तरुणाचा खुन झाला होता. या खुनाच्या आरोपाखाली सचिन चव्हाण याला अटक करण्यात आली होती. महिन्याभरापूर्वी तो जामिनावर कारागृहातून सुटून आला होता. त्याचे आई, वडील, भाऊ हे तिघेजण जयसिंगपूर येथील सुदर्शन चौक येथे चार वर्षापासून वास्तव्यास आहेत. गुरुवारी सचिन हा जयसिंगपूरहून सांगली येथे मित्रांना भेटण्यासाठी गेला होता. संशयीत सचिन याच्या मागावर होते. दुचाकीवरुन सचिन हा सांगली-कोल्हापूर महामार्गावरील उदगाव येथील खोत पेट्रोलपंपासमोर आल्यानंतर संशयीतांनी त्याला गाठल्यानंतर त्याची दुचाकी रस्त्यावर पडली.
याचवेळी संशयीतांनी त्याच्यावर धारदार शस्त्राने हल्ला करण्याचा प्रयत्न केला. मात्र स्वत:चा बचाव करण्यासाठी तो भितीने पळत सुटला. शेजारी असणाºया रावसाहेब जालिहाळ यांच्या प्रभात रोलिंग शटर्स या फॅब्रिकेशन दुकानात तो गेला. त्यानंतर दुकानाच्या आतमध्ये असणाºया घरात तो शिरला. त्याच्या पाठीमागून संशयीत देखील आतमध्ये शिरले. सचिनवर सपासप वार करण्यात आले. घरातून सचिन पुन्हा दुकानात आला. याठिकाणी त्याच्यावर पुन्हा वार करण्यात आले. यावेळी हाताची दोन्ही मनगटे तुटूप पडली होती. तर डोक्यात गंभीर वार झाल्याने रक्ताच्या थारोळ्यात पडून तो जागीच ठार झाला.
सचिन याचा खुन करुन संशयीत हे घटनास्थळावरुन पळून जात होते. दरम्यान पेट्रोलिंग करणाºया निर्भया पथकाने पाठलाग केला असता उदगाव येथील टेक्निकल हायस्कूल असणाºया रिकाम्या जागेत दोघे संशयीत हातात हत्यार घेवून एका बंद खोक्याच्या पाठीमागे लपून बसले होते. यावेळी निर्भया पथकातील पोलिस उपनिरीक्षक भरत पाटील, पोलिस कर्मचारी शैलेश पाटील, अमित मोरे, विक्रम मोरे यांनी संशयीतांना हत्यारासह ताब्यात घेतले.
घटनास्थळी पोलिस उपअधीक्षक रोहिणी सोळंके, पोलिस निरीक्षक सत्यवान हाके यांनी पाहणी करुन पंचनामा केला. यावेळी बघ्यांनी मोठी गर्दी केली होती. शिरोळ येथील ग्रामीण रुग्णालयात शवविच्छेदन करुन मृतदेह नातेवाईकांच्या ताब्यात देण्यात आला.
कोट - दत्ता पाटील खुन प्रकरणात मृत सचिन हा आरोपी होता. त्याच्या खुनप्रकरणी दोघा संशयीतांना अटक करण्यात आली आहे. या घटनेत आणखी आरोपी आहेत का, याचा तपास सुरु आहे.
- डॉ.रोहिणी सोळंके, पोलिस उपअधीक्ष
क
टिप्पण्या