सा.विशालक्रांती / vishalkranti news

शिवाजी शिंदे जिल्हा प्रतिनिधी परभणी.   सेवागौरव सन्मान. सेलू : सेलू दि.30 एप्रिल मंगळवार रोजी शहरातील श्री केशवराज बाबासाहेब विद्यालय येथील माध्यमिक विभागाचे मुख्याध्यापक पि. एस. कौसडीकर सेवानिवृत्त झाल्याबद्दल शहरातील सामाजिक कार्यकर्ते आपला_माणूस सुनिल गुलाबराव गायकवाड, सतीश जाधव अखिल भारतीय ग्राहक पंचायत तालुकाध्यक्ष, प्रशांत ठाकूर सामाजिक कार्यकर्ते यांच्या वतीने सेवानिवृत्त निमित्त्त सेवागौरव सन्मान पत्र देऊन गौरविण्यात आले. या प्रसंगी सेवानिवृत्त मुख्याध्यापक दत्तात्रय नागरे,मुख्याध्यापक बालासाहेब हळणे, शेषराव कौसडीकर, शोभा कौसडीकर, पल्लवी कौसडीकर सिध्दार्थ एडके आदि उपस्थित होते.  या प्रसंगी सामाजिक कार्यकर्ते सुनिल गायकवाड यांनी आपल्या मनोगतात म्हटले की, प्रदिप शेषराव कौसडीकर सर नियत वयोमानानुसार आज दि. ३०एप्रील २०२४ रोजी आपण मुख्याध्यापक पदावरून सेवानिवृत्त होणार आहात. आपल्या एकंदरीत तीस वर्षाच्या सेवाकार्यात आपण विद्यार्थिप्रिय शिक्षक, उत्तम मार्गदर्शक, सहकार्य पूर्ण मुख्याध्यापक असा ठसा उमटवलेला आहे.सामाजिक, सांस्कृतिक कार्यात आपण सर्वतोपरी सहभाग नों...

जयसिंगपूर प्रतिनिधी: शिरटी( ता शिरोळ) येथील जागृत ग्रामदैवत श्री भैरेश्वर यात्रेच्या मुख्य दिवशी सोमवारी सकाळी श्री भैरेश्वराची पालखी  मिरवणूक सोहळा धार्मिक व भक्तीमय वातावरणात आणि अमाप उत्साहात पार पडला. या निमित्ताने भाविकांनी मुक्तपणे गुलाल खोबरे व भंडाऱ्याची उधळण करीत श्री भैरेश्वराच्या नावानं चांगभलंचा अखंड जयघोष करून श्री भैरवेश्वराच्या पालखीचे दर्शन घेतले  जागृत ग्रामदैवत श्री भैरेश्वर देवाच्या यात्रेस शनिवारपासून सुरुवात झाली या निमित्ताने भाविकांनी शनिवारी रात्री देवास दंडवत घालून आपली मनोकामना पूर्ण केली तसेच रविवारी विविध धार्मिक कार्यक्रम पार पडले यावेळी श्री भैरेश्वरास अभिषेक घालून पूजा करून नैवेद्य अर्पण करण्यात आला दरम्यान यात्रेच्या मुख्य दिवशी सोमवारी मानकरी व पुजाऱ्यांच्या उपस्थितीत पालखी मिरवणूक काढण्यात आली. यावेळी मोठ्या संख्येने भाविक भक्तांची गर्दी झाली होती धनगरी ढोल पारंपारिक वाद्याचा निनादात पालखी मिरवणूक काढण्यात आली यावेळी उपस्थित भाविकांनी मुक्तपणे गुलाल खोबरे व भंडाऱ्याची उधळण करून भैरेश्वराच्या नावानं चांगभलं चा गजर करीत पालखी व भैरेश...

यड्राव (प्रतिनिधी ) यड्राव (ता . शिरोळ )   येथील   रेणूकानगर येथे श्रीपाद बेकर्स टपरीमध्ये अमोल तुळशीदास शिऊडकर (वय ३८ वर्षे ) याने दोरीच्या सहाय्याने गळफास घेऊन आत्महत्या केली . सदरची घटना सोमवार सांय . ७ - ३० वाजण्याच्या सुमारास उघडकीस आली . सदर घाटनेची नोंद शहापूर पोलीस ठाणेस करणेत आली .                                             घटनास्थळावरुन मिळालेली अधिक माहीत अशी की , मयत अमोल त्याची पत्नी , आई व मुले असे कुटूंबीसोबत रेणूकानगर येथे रहात आहे . अमोल हा आपल्या कुटूंबीयाचा उदरनिर्वाह चालविण्यासाठी  बेकरीचे व खाद्यपदार्थ विक्रीचा व्यवसाय टपरीमध्ये करत होता .  गेली काही दिवस अमोल व त्याची पत्नी यांच्यात वाद चालू होता . त्या वादातून त्याने टपरीमध्ये दोरीच्या सहाय्याने गळफास घेऊन आत्महत्या केली . सोमवार सांय . ७ -३० वाजता त्याची आई टपरीकडे आली असता सदरची घटना उघडकीस आली .                 ...

रिपोर्टर राजू मुंडे निपाणी. चिक्कोडी लोकसभा निवडणुकीच्या प्रचारार्थ कागवाड मतदारसंघातील अनंतपुर जिल्हा पंचायतीतील गुंडेवाडी गावात चिक्कोडी लोकसभेचे खासदार माननीय श्री अण्णासाहेब जोल्ले,यांनी प्रचार सभा घेऊन, कार्यकर्त्यांना उद्देशून संबोधित करून, प्रचार केले. केंद्र सरकारच्या आयुष्मान भारत, डिजिटल इंडिया, मुद्रा, जलजीवन आणि अशा अनेक लोकप्रिय योजनांद्वारे आम्ही प्रत्येकाचे जीवन सुकर करण्यासाठी कठोर परिश्रम केले आहेत. सशक्त भारताच्या दिशेने पाऊल टाकून विकसित भारताचे स्वप्न साकार करण्यासाठी आपण सर्वांनी मोदीजींचे हात बळकट करण्यासाठी मला आपल्या अमूल्य मताचा आशीर्वाद द्यावा असे विनंती केले. यावेळी राज्यसभा सदस्य श्री ईरण्णा कडाडी, माजी मंत्री श्री श्रीमंत पाटील, मंडल अध्यक्ष श्री तम्मण्णा पारशेट्टी, श्री अभय अकिवाटे, श्री अप्पासाब अवताडे, श्री प्रभाकर चव्हाण, श्री निंगप्पा खोकले, स्थानिक नेते, मान्यवर आणि पक्षाचे कार्यकर्ते उपस्थित होते.

जयसिंगपूर, प्रतिनिधी      मुख्यमंत्री एकनाथ शिंदे यांनी शनिवारी (ता.२७) श्री गुरुदत्त शुगर्सचे चेअरमन व कार्यकारी संचालक माधवराव घाटगे यांच्या कोल्हापूर येथील निवासस्थानी सदिच्छा भेट देऊन साखर उद्योग संदर्भात सविस्तर चर्चा केली. सुमारे ४५ मिनिटे त्यांनी साखर उद्योगातील विविध धोरणांवर चर्चा केली.      मुख्यमंत्री शिंदे म्हणाले, केंद्र सरकार व राज्य सरकारने महाराष्ट्रातील साखर उद्योगाला पाठबळ देण्याचे काम केले आहे. पंतप्रधान नरेंद्र मोदी यांच्या सरकारने देशातील साखर उद्योगाच्या विकासासाठी अनेक महत्वाचे निर्णय घेऊन या उद्योगाला उर्जितअवस्था आणली. साखर उद्योगाला भरावा लागणारा दहा हजार कोटी रुपयांचा आयकर माफ करण्याचा ऐतिहासिक निर्णय घेऊन साखर कारखानदारीला स्थिरता देण्याचा प्रयत्न केला.      तसेच साखर उद्योगासंदर्भात अनेक चांगले धोरणात्मक निर्णय घेऊन कारखानदारी टिकवण्याचा प्रयत्न केला आहे. देशातील इंधनावर होणाऱ्या परकीय चलनामध्ये बचत करण्यासाठी तसेच प्रदूषण कमी करण्यासाठी म्हणून इथेनॉल निर्मितीला केंद्र सरकारने प्रोत्साहन दिले आहे असेही...

रिपोर्टर राजू मुंडे बेळगावी. लोकसभा निवडणुकीच्या प्रचारार्थ आज बेळगावी शहरात माननीय पंतप्रधान श्री नरेंद्र मोदी जी यांच्या नेतृत्वाखाली झालेल्या विकसित भारताला विजय संकल्प समावेशात माजी मंत्री आणि निपाणी मतदारसंघाचे लोकप्रिय आमदार सौ. शशिकला जोल्ले आणि चिक्कोडी लोकसभेचे खासदार माननीय श्री अण्णासाहेब जोल्ले,यांनी सहभागी होऊन, उपस्थितांना मार्गदर्शन केले. समावेशात चिक्कोडी आणि बेळगावीच्या जनसमुदायाला उद्देशून संबोधित केलेले पंतप्रधान विकसित भारतासाठी मतदारांना भारतीय जनता पक्षाला पाठिंबा देण्याचे आवाहन करताना भारत माता की जय या घोषणा घुमत होता. गेल्या 10 वर्षात पंतप्रधान नरेंद्र मोदी यांनी भारताचे चित्र बदलून टाकली असून, मोदी पुन्हा एकदा देशाचे पंतप्रधान व्हावेत यावर आम्हा सर्व कार्यकर्त्यांचे एकमत आहे. यावेळी माजी मुख्यमंत्री श्री बी.एस. यडियुरप्पा जी, खासदार, विधान परिषद सदस्य, विद्यमान माजी आमदार, भाजप-जेडीएस पक्षाचे नेते, पदाधिकारी, महिला नेत्या व कार्यकर्ते उपस्थित होते.

सदलगा प्रतिनिधी -   चिकोडी तालुक्यातील जनवाड  या गावी महादेव स्वामी धर्मरमठ देवस्थानातील  सभा मंडपात आज आगामी लोकसभा चिकोडी मतदार क्षेत्राचे काँग्रेसचे अधिकृत उमेदवार कुमारी प्रियंका जारकिव्हळी यांची प्रचार सभा विकास रत्न विधान परिषद सदस्य सन्माननीय श्री प्रकाश अण्णा हुक्केरी यांच्या अध्यक्षतेखाली मोठ्या उत्साहात शेकडो कार्यकर्त्यांच्या उपस्थितीत संपन्न झाली.  प्रारंभी जनवाड येथील  युवा कार्यकर्ते शितल कुडचे यांनी व्यासपीठावरील सर्व उपस्थित मान्यवरांचे स्वागत करून प्रचार सभेचे प्रास्ताविक भाषण  केले. अलीकडेच झालेल्या विधानसभेच्या निवडणुकीत ज्याप्रमाणे संपूर्ण कर्नाटकातील सर्वाधिक म्हणजे 78 हजाराचे मताधिक्य देऊन जनप्रिय असलेल्या आमदार यादीमध्ये  आमदार गणेश हुक्केरी यांना जसे सर्वाधिक मताध्धिक्याने निवडून दिले, त्याप्रमाणेच यावेळीही लोकसभेसाठी कुमारी प्रियांका जारकिव्हळी यांना प्रचंड मताधिक्याने निवडून द्यावे असे आवाहन सन्माननीय प्रकाश हुक्केरी यांनी उपस्थित मतदार बंधू भगिनी यांना केले. यावेळी आपल्या अध्यक्षीय भाषणात बोलताना प्रकाश हुक्क...

जयसिंगपूर प्रतिनिधी  वाढती बेरोजगारी  शेतीमालाला भाव नाही महिलांना सन्मान नाही दुसऱ्या  पक्षाचे नेते चोरणाऱ्या आणि पक्षाशी गद्दारी करणाऱ्या गद्दारांना घरी बसून हातकणंगले लोकसभा मतदारसंघात सत्यजित पाटील सरूडकर यांना विजय करून मशाल पेटवावी असे शिवसेनेच्य उद्धव ठाकरे गटाच्या  सुषमा अंधारेे आवाहन करीत पंतप्रधान नरेंद्र मोदी उपमुख्यमंत्री देवेंद्र फडणवीस यांच्यावर सडकून टीका केली जयसिंगपूर येथील सुदर्शन चौक येथे महाविकास आघाडीचे उमेदवार सत्यजित पाटील सरूडकर यांच्या निवडणूक प्रचार सभेत त्या बोलत होत्या अंधारे पुढे म्हणाल्या देशामध्ये दहा वर्षात भाजप सरकार आल्यापासून शासकीय नोकर भरती झाली नाही अच्छे दिन चा जनतेला वाईट अनुभव आला मोदींनी गॅरंटी च्या नावाखाली सर्वसामान्यांना फसवले आहे अस्थिर सरकार मुळे उद्योजक महाराष्ट्रात उद्योग सुरू करत नाहीत खासदार संजय मंडलिक यांच्यावर सडकून टीका करत यावेळी चाळीस आमदार एकनाथ शिंदे यांच्याकडे गेले होते त्यावेळी मंडलिक यांनी आम्ही 24 कॅरेट सोने  आहोत असे म्हटले होते आता तेच शिंदे  गटात सामील होऊन त्यांचे बेन्टेक्स झाले ...

सेलू तालूका प्रतिनिधी.  पं. दीनदयाल उपाध्याय हिन्दी विद्यापीठ यांच्या वतीने  "विद्या वाचस्पति सारस्वत  सम्मान समारंभाचे भव्य आयोजन.  सेलू : सेलू येथील  श्रीमती ल.ला.रा.नूतन कन्या प्रशालेचे  सेवानिवृत्त आदर्श ग्रंथपाल  डॉ.शिवाजी रामभाऊ शिंदे यांनी कोरोना काळात सर्व शाळा,महाविद्यालये बंद होती.अशातच शासनाने ऑनलाईन शाळा सुरु करून विद्यार्थी वर्गाचे होणारे शैक्षणिक नुकसान टाळण्यासाठी उपाय करीत ऑनलाईन शाळा महाविद्यालय सुरु केल्या.यानंतर देश विदेशातील नामवंत विद्यापीठानी वाचनाची आवड निर्माण करण्यासाठी ऑनलाईन वेबिनार चे आयोजन करून सर्व ग्रंथपालांना सहभागी होण्याचे आवाहन करण्यात आले होते.याच संधीचा फायदा घेत सेलूच्या नूतन कन्या प्रशालेच्या स्व.सौ.दुर्गाताई द.कुलकर्णी स्मृति ग्रंथालयाचे ग्रंथपाल शिवाजी शिंदे यांनी सहभाग घेऊन आपले ग्रंथालय जगातील 108 विद्यापीठाशी जोडून विवीध उपक्रमांची माहिती सादर केली.वाचन संस्कृती वाढावी म्हणून काय काय उपाययोजना करता येतील,ग्रंथालया समोर काय काय आवाहने आहेत त्यावर काय उपाययोजना करता येतील यावर परखडपणे आप...

नांदेड - मतदान करण्यासाठी आलेल्या एका तरुणाने मतदान केंद्रात प्रवेश करताच ईव्हीएम मशीनसह व्हीव्हीपॅट व इतर साहित्याची कुऱ्हाडीने नासधूस केली. तरुणाच्या हातात कुऱ्हाड पाहून केंद्रावरील निवडणूक अधिकारी व इतर कर्मचारी आणि एजंट यांनी केंद्रातून बाहेर पळ काढला. तद्नंतर पोलिसांनी सदर तरुणाला ताब्यात घेतले. ही घटना बिलोली तालुक्यातील रामतीर्थ येथे घडली. नांदेड लोकसभा मतदारसंघासाठी आज सकाळपासून मतदान प्रक्रिया सुरू झाली. जिल्ह्यात जवळपास सगळीकडे शांततेत मतदान होत असताना हदगाव, माहूर, किनवट, देगलूर आदी तालुक्यातील काही मतदान केंद्रांवर ईव्हीएम मशीन बंद पडण्याचा प्रकारही उघडकीस आला. दरम्यान, बिलोली तालुक्यातील रामतीर्थ येथील वार्ड क्रमांक ३ मध्ये मतदान असलेल्या भैय्यासाहेब आनंदराव एडके या तरुणाने मतदानासाठी मतदान केंद्रात प्रवेश केला. तद्नंतर सोबत आणलेली कुऱ्हाड काढून मतदान यंत्र फोडली. तरुणाच्या हातातील कुऱ्हाड पाहून भयभीत झालेल्या कर्मचाऱ्यांनी आणि मतदान प्रतिनिधींनी केंद्राबाहेर पळ काढला. वेळीच पोलिसांनी आरोपी भैय्यासाहेब एडके यास ताब्यात घेतले. आपण एम.ए.चे शिक्षण घेवून देख...

शिरोळ / प्रतिनिधी : शिरटी (ता शिरोळ) येथील जागृत ग्रामदैवत श्री भैरेश्वर मंदिराच्या कलशारोहण व वास्तुशांती सोहळ्याच्या तिसऱ्या तथा मुख्य दिवशी शुक्रवारी विविध धार्मिक कार्यक्रम कलश पूजन होमहवन कलशारोहण सोहळा महाप्रसादाचे वाटप हास्य गंध हा करमुनिकेच्या कार्यक्रमाबरोबरच विविध कार्यक्रम उत्साहात पार पडले मंदिरात दिवसभर भाविकांची दर्शनासाठी रीघ लागली होती या धार्मिक सोहळ्यामुळे गावात चैतन्यदायी व भक्तिमय वातावरणात निर्माण झाले होते.                  येथील ग्रामदैवत श्री भैरेश्वर मंदिराचा जीर्णोद्धार सर्वांच्या सहकार्याने करण्यात आला आहे श्री भैरेश्वर देवालयाचे काम पूर्णत्वास आले आहे यामुळे या मंदिराचा कलशारोहण व वास्तुशांती सोहळ्यास बुधवारपासून  श्रीक्षेत्र आडी येथील श्री दत्त देवस्थान मठाचे प्रमुख परमाब्धिकार प पू परमात्मा महाराजांच्या दिव्य सानिध्यात मांगुरचे शाम भटजी यांच्या उपस्थितीत हा धार्मिक सोहळा अमाप उत्साहात चैतन्यदायी व भक्तीमय वातावरणात संपन्न झाला. या धार्मिक सोहळ्यानिमित्त आयोजित केलेल्या महाप्रसादाचा हजारो भाविकांन...

जयसिंगपूर : प्रतिनिधी - हातकणंगले लोकसभा मतदार संघातील महाविकास आघाडीचे उमेदवार सत्यजित पाटील-सरूडकर यांच्या प्रचार कार्यालयाचे उद्घाटन जयसिंगपूर येथे गुरूवारी झाले. दत्त शेतकरी सह. साखर कारखान्याचे चेअरमन उद्यानपंडीत गणपतराव पाटील व माजी आ. उल्हास पाटील यांच्या प्रमुख उपस्थितीत कार्यालयाचे उद्घाटन झाले. स्वागत अमरसिंह निकम यांनी तर प्रास्ताविक माजी नगरसेवक अशोकराव कोळेकर यांनी केले. गणपतराव पाटील म्हणाले, जयसिंगपूर शहर परिसरात कॉंग्रेस भक्कमपणे उभी आहे. कॉंग्रेसने नेहमीच पुरोगामी विचार जोपासला आहे. स्व. डॉ. सा. रे. पाटील यांनी जयसिंगपूरात कॉंग्रेसला चांगले वातावरण निर्माण करून दिले. त्यामुळे आजही या ठिकाणी कॉंग्रेसला अनुकूल वातावरण निर्मिती दिसून येते. कॉंग्रेसने समन्वयातून तोडगा काढला आहे. आजपर्यंतच्या निवडणुका कॉंग्रेसने मित्र पक्षाला सोबत घेवून लढवून जिंकल्या आहेत. त्यामुळे कॉंग्रेस कार्यकर्त्यांनी या निवडणुकीत महाविकास आघाडीचे उमेदवार सत्यजित पाटील-सरूडकर यांना भरघोस मताधिक्य मिळण्यासाठी घराघरात मशाल पोहोचविण्याचे काम जोमाने करावे असे आवाहनही गणपतराव पाटील यांनी केले. ...

हातकणंगले       शिर्डी येथील ओमसाई विकास प्रतिष्ठाण  आणि बी .बी .सी . फिल्म प्रोडक्शन या संस्थेचा कोल्हापूर येथील कवियत्री सौ शैलजा मोहन परमणे कोल्हापूर यांना  राष्ट्रीय स्तरांवरील साई कलारत्न समाजभूषण पुरस्कार  जाहीर झाला आहे पुरस्कार वितरण सोहळा दिनांक ३/५/२४ रोजी सिद्ध संकल्प लॉन साकुरी शिर्डी अहमदनगर येथे संपन्न होणार आहे .   सौ शैलजा परमणे यांच्या काव्यक्षेत्रातीला  व शिक्षण अध्यापन क्षेत्रातील योगदान कार्याची दखल घेऊन त्यांना राष्ट्रीय स्तरावरील साई कलारत्न समाजभूषण हा पुरस्कार मान्यवरांचे हस्ते देऊन सन्मानीत करण्यात येणार आहे सदर पुरस्कार वितरण सोहळा ओम साई विकास प्रतिष्ठण व बी बी सी फिल्म प्रोडक्शन या संस्थेचे प्रमुख अध्यक्ष मान . श्री सुदाम संसारे सर  यांनी व त्यांचे संस्थेचे पदाधिकारी यांनी आयोजन केले आहे . नुकताच त्यांनी सदर पुरस्काराचे निवडपत्र दिले आहे .  सौ शैलजा परमणे यांना निवड झालेल्या पुरस्कारासाठी साहित्य क्षेत्रात कौतुक होत आहे .

प्रतिनिधी - राजू मुंडे चिकोडी. चिक्कोडी शहरात भारतीय जनता पार्टी चिक्कोडी जिल्हा आणि मंडलाच्या वतीने एस.सी मोर्चा पदाधिकाऱ्यांची चिक्कोडी लोकसभेचे खासदार माननीय श्री अण्णासाहेब जोल्ले, यांनी बैठक घेऊन, उपस्थितांना मार्गदर्शन केले. यावेळी विधान परिषद सदस्य व प्रभारी श्री पी.एच. पूजार, माजी आमदार श्री बाळासाहेब वड्डर, जिल्हाध्यक्ष श्री सतीश अप्पाजीगोळ, एस.सी. मोर्चा जिल्हा अध्यक्ष श्री केंचन्नवर, जिल्हा एस.सी. मोर्चा आणि मंडल पदाधिकारी, शेकडो कार्यकर्ते उपस्थित होते.

चिक्कोडी प्रतिनिधी - राजु मुंडे. भाजपचे सिद्धांत “सेवा हेच संघटना” व देशाचे अभिमानी पंतप्रधान श्री नरेंद्र मोदी जी यांचे “सब का सात सब का विकास” या सिद्धांतावर विश्वास ठेऊन आणि खासदार श्री अण्णासाहेब जोल्ले यांनी केलेल्या विकास कामांनी प्रभावित होऊन चंदूर गावातील श्री बाळु पाटील, श्री अशितोष पाटील, श्री किसन बोळे, श्री महेश चौगले, श्री आकाश पाटील, श्री कृष्णात कणीरे, श्री रवि घाटगे, श्री शिवानंद पाटील, श्री अशोक पाटील, श्री गोंदा पाटील, श्री दादा मधबावे, श्री अशोक समाजे, श्री अनिल माने आणि त्यांच्या टीममधील सदस्यांनी काँग्रेस पक्ष सोडून आमच्या भाजपा पक्षात प्रवेश केले. त्या कार्यकर्त्यांचे * माजी मंत्री आणि निपाणी मतदारसंघाचे लोकप्रिय आमदार सौ. शशिकला जोल्ले जी * आणि * चिक्कोडी लोकसभेचे खासदार माननीय श्री अण्णासाहेब जोल्ले,जी * यांनी भाजपा पक्षात स्वागत केले. वार्तादार राजू मुंडे चिकोडी.

शिरोळ : प्रतिनिधी : केवळ पुस्तकी ज्ञानामुळे बालकांचा व्यक्तिमत्व विकास होत नाही पालकांनी सुद्धा आपली जबाबदारी ओळखून बालकांच्या संपूर्ण विकासासाठी बालमनावर सुसंस्कार करीत त्यांना संस्कारक्षम बनवणे गरजेचे आहे तरच येणारी भावी पिढी सुजाण होईल यासाठी मुलांच्या जडणघडणीत आई-बाबाची भूमिका महत्त्वाची आहे असे विचार प्रसिद्ध व्याख्याते ॲड. प्रा. श्रीकांत माळकर यांनी व्यक्त केले. येथील राजाराम विद्यालय नं 2 या शाळेत दोनदिवसीय बालसंस्कार शिबिर आयोजित करण्यात आले होते शिबिराच्या सांगता समारंभात प्रा. श्रीकांत माळकर यांचे * बालक- पालक सुसंवाद व आपल्या मुलांचा व्यक्तिमत्व विकास * याविषयी व्याख्यान आयोजित करण्यात आले होते.यावेळी ते बोलत होते. प्रा.श्रीकांत माळकर बोलताना पुढे म्हणाले की ," संस्कारक्षम बालक घडवण्याची खरी जबाबदारी आईची असते पण सध्या हीच आई टीव्हीवरील मालिकेत गुंतली असल्यामुळे आपल्या मुलांवर तिचे लक्ष नाही याचा परिणाम मुलांच्या व्यक्तिमत्व विकासावर होत आहे. यासाठी आपला मुलगा काय करतो आहे याची माहिती पालकांना असणे आवश्यक आहे. मुलांना योग्य दिशा मिळावी यासाठी महापुरुषांची...

रायबाग वार्ताहर -  रायबाग तालुक्यातील बावन सौंदत्ती गावच्या ओंकारा आश्रम मठात श्री शिवशंकर स्वामीजींच्या उपस्थितीत शरण अक्कमहादेवीची जयंती साजरी करण्यात आली.  यावेळी मातोश्री भ्रमरांबिकादेवी, मातोश्री नागलंबिकादेवी यांच्यासह अनेक शरण शरण व ग्रामस्थ उपस्थित होते.

एकसंबा प्रतिनिधी ट्रक आणि दुचाकी मध्ये झालेल्या अपघातात एक जण जागीच ठार झाल्याची घटना मंगळवारी सकाळी एकसंबा - उळागड्डीवाडी रस्त्यावर घडली. अनिल महादेव सांगावे (वय 51 रा. एकसंबा) असे मृत व्यक्तीचे नाव आहे.            याबाबत घटनास्थळावरून मिळालेले अधिक माहिती अशी की, सी.बी कोरे कारखान्याकडून एकसंबा कडे येणाऱ्या ट्रक क्रमांक केए 29-9580 ने उळागड्डीवाडी हून एकसंबाकडे येणाऱ्या एक्टिवा केए 23 इआर 9245 ला जोराची धडक दिली. अनिल सांगावे (रा. एकसंबा) यांचा जागीच मृत्यू झाला. तर स्कुटीवर असणाऱ्या निर्मला विनायक म्हेत्रे यांना गंभीर दुखापत झाल्याने त्यांना तातडीने पुढील उपचारासाठी चिकोडी येथील इस्पितळात हलविण्यात आले. उळागड्डीवाडी येथे घराचे बांधकाम सुरू असल्याने ते सदर बांधकामास पाणी मारून घरी परतत असताना सदरचा अपघात घडला. दरम्यान अनिल सांगावे यांच्या घरातील मंडळी ज्योतिबा यात्रेनिमित्त ज्योतिबा डोंगरास गेले होते.  त्यांना फोन द्वारे संपर्क साधून बोलाविण्यात आले.         घटनेची माहिती मिळताच एकसंबा परिसरातील नागरिक...

सदलगा - प्रतिनिधी -- लोकसभा मतदार संघातील काँग्रेस पक्षाचे अधिकृत उमेदवार कुमारी प्रियांका सतीश जारकिहोळी यांची सदलगा शहरातील मुख्य कार्यकर्त्यांची प्रचार सभा विद्यमान विधानपरिषद सदस्य व कर्नाटक सरकारचे दिल्लीचे विशेष प्रतिनिधी मा. प्रकाश हुक्केरी यांच्या नेतृत्वाखाली सदलगा शहरातील कुंद कुंद प्रशालेतील सभाभवनात शेकडो कार्यकर्त्यांच्या उपस्थितीत मोठ्या उत्साहात आज संपन्न झाली. चिकोडी लोकसभा मतदार क्षेत्रातील काँग्रेस पक्षाच्या विकास कामांच्या जोरावर आणि जनतेच्या विश्वासावर काँग्रेसची अधिकृत उमेदवार कुमारी प्रियांका जारकीहोळी दिल्लीला नक्की जाईल. -- विधान परिषद सदस्य प्रकाश हुक्केरी. आज सदलगा शहरातील कुमारी प्रियंका सतीश जारकीहोळी यांची प्रचार सभा संपन्न झाली .त्यावेळी माननीय प्रकाश हुक्केरी यांनी विकास कामांचा आढावा घेऊन काँग्रेस पक्षाच्यावतीने आतापर्यंत चिकोडी लोकसभा क्षेत्रात केलेल्या विकास कार्याचे त्यांनी कौतुक केले. प्रारंभी श्री दत्त सहकारी साखर कारखान्याचे व्हाईस चेअरमन श्री अरुण देसाई यांनी प्रास्ताविक करून कार्यक्रमाला सुरुवात केली.  त्यानंतर इतर कार्यकर्त्यांम...

शिवाजी शिंदे जिल्हा प्रतिनिधी परभणी.  वार्‍यासह पावसात जंगी जाहीर सभा      परभणी : दि.23 लोकसभेच्या या निवडणूका अत्यंत महत्वपूर्ण आहेत. विशेषतः ही निवडणूक लोकशाही विरुध्द हुकुमशाही अशीच आहे. त्यामुळे सर्वसामान्य नागरीकांनी लोकशाही वाचविण्याकरीता महाविकास आघाडीच्या मागे भक्कम ताकद उभी करावी, असे आवाहन शिवसेना प्रमुख उध्दव ठाकरे यांनी मंगळवारी रात्री परभणीतील जाहीर सभेतून केले. परभणी लोकसभा मतदारसंघातील महाविकास आघाडीचे उमेदवार संजय जाधव यांच्या निवडणूक प्रचारार्थ येथील स्टेडिअम मैदानावर मंगळवारी (दि.23) आयोजित केलेल्या जोरदार जाहीर सभेत ते बोलत होते. यावेळी विधान परिषदेचे विरोधी पक्षनेते अंबादास दानवे, खासदार श्रीमती फौजिया खान, माजी मंत्री आमदार राजेश टोपे, उमेदवार संजय जाधव, आमदार सर्वश्री सुरेश वरपुडकर, राहुल पाटील, राजेश राठोड,  माजी आमदार सर्वश्री विजय गव्हाणे, सौ. मिराताई रेंगे, सुरेशदादा देशमुख, विजय भांबळे, सुरेश जेथलिया, सितारामजी घनदाट, संतोष सांबरे, जिल्हाप्रमुख विशाल कदम, ए.जे. बोराडे, डॉ. विवेक नावंदर, सिध्दार्थ हत्तीअंबीरे, भगवानराव वाघम...

जिल्हा प्रतिनिधी परभणी.  जरांगे यांचे आभार  भ्रम पसरविणार्‍यांना जागा दाखवा. परभणी : दि.23  मनोज जरांगे पाटील यांची आरक्षणासाठीची लढाई सामाजिक आहे, राजकीय नाही, असे मत मुख्यमंत्री एकनाथ शिंदे यांनी व्यक्त करीत या लोकसभा निवडणूकीत मनोज जरांगे पाटील यांनी भाग न घेतल्याबद्दल त्यांचे धन्यवाद मानले. या मतदारसंघात मराठा समाजाने आपणास पाठींबा व्यक्त केल्याच्या विरोधकांनी सुरु केलेल्या अफवा सपशेल खोट्या आहेत. विरोधकांचे हे गैरप्रकार मराठा समाजाने हाणून पाडावेत, विरोधकांना जागा दाखवून द्यावी, असे आवाहनही केले.  परभणी लोकसभा मतदार संघांतर्गत महायुतीचे उमेदवार तथा राष्ट्रीय समाज पक्षाचे संस्थापक अध्यक्ष महादेव जानकर यांच्या निवडणूक प्रचारार्थ मुख्यमंत्री शिंदे यांची मंगळवारी (दि.23) पाथरीत जोरदार जाहीर सभा आयोजित करण्यात आली. या जंगी सभेत ते बोलत होते. यावेळी केंद्रीय अर्थराज्यमंत्री भागवत कराड, उमेदवार महादेव जानकर, ज्येष्ठ नेते माजी आमदार रामप्रसाद बोर्डीकर, आमदार आशिष देशमुख, माजी खासदार अ‍ॅड.सुरेश जाधव, डॉ. केदार खटींग, परभणीचे महानगर जिल्हाध्यक्ष प्रविण देशमुख,...

शिवाजी शिंदे जिल्हा प्रतिनिधी परभणी.   जिंतूरात संयुक्त बैठक परभणी : दि.23 परभणी लोकसभा मतदारसंघातून महायुतीचे उमेदवार तथा राष्ट्रीय समाज पक्षाचे संस्थापक अध्यक्ष महादेवराव जानकर यांना परभणीकरांनी प्रचंड बहुमताने निवडून द्यावे व त्याद्वारे माझाही आवाज बुलंद करावा, असे आवाहन भारतीय जनता पक्षाच्या राष्ट्रीय सचिव तथा माजी मंत्री पंकजा मुंडे यांनी केले.जानकर यांच्या प्रचारार्थ मंगळवारी (दि.23) जिंतूरात आयोजित केलेल्या महायुतीच्या नेते मंडळींसह कार्यकर्त्यां च्या संयुक्त बैठकी प्रसंगी त्या बोलत होत्या. यावेळी आयोजक आमदार सौ. मेघना साकोरे-बोर्डीकर, पक्षाचे प्रदेश सरचिटणीस संजय केनेकर, महादेवराव चव्हाण, गणेशराव हाके, देविदास राठोड, जिल्हाध्यक्ष संतोष मुरकूटे, भागवत बाजगिरे, खंडेराव आघाव, विठ्ठलराव रबदडे, विलास गिते, सचिन गोरे, प्रा. पी.टी. चव्हाळ, प्रमोद कराड, ब्रिजगोपाल तोष्णीवाल, बाळासाहेब घुगे, विनोद राठोड, कृष्णा देशमुख, लक्ष्मण बुधवंत आदी याप्रसंगी उपस्थित होते.मुंडे यांनी आपल्या भाषणातून जानकर यांचे मुक्तकंठाने कौतूक केले. जानकर म्हणजे अत्यंत गरिब माणूस, घरास पाठ दा...

खोतवाडी - हातकणंगले तालुका पंचायत समिती बांधकाम शाखा अभियंतापदी नुकतीच आकाश गिरी यांची वर्णी लागली आहे.  बांधकाम शाखा अभियंता चव्हाण यांचे प्रमोशन झाल्यामुळे त्यांच्या जागी आकाश गिरी यांची नियुक्ती झाली आहे. आज बांधकाम शाखा अभियंता आकाश गिरी यांनी खोतवाडी ग्रामपंचायतीला सदिच्छा भेट दिली. यावेळी ग्रामपंचायतीच्या वतीने त्यांचा बुके देवून सत्कार करण्यात आला.     या भेटी दरम्यान बोलताना गिरी म्हणाले, तुमच्या अनुभवातून आणि अधिकारातून गावच्या विकासासाठी जी काही कामे असतील ती करूया, एकमेकांच्या सहकार्याने चांगली कामे करू असा विश्वास आकाश गिरी यांनी व्यक्त केला.    यावेळी सरपंच विशाल कुंभार, उपसरपंच गजानन नलगे, ग्रामसेविका निता बोंदर्डे,करण खोत, अमर खोत, वैभव पवार, अर्जुन रजपूत, माजी सरपंच संजय चोपडे, असिस्टंट पंकज कवडे नाना कांबळे आदी उपस्थित होते.

जयसिंगपूर प्रतिनिधी - उदगाव रेल्वे ब्रिज जवळ अपघात कोल्हापूर-सांगली महामार्गावरील उदगांव (ता.शिरोळ) येथे रेल्वे ओव्हर ब्रिचजवळ दुचाकी व चारचाकीमध्ये झालेल्या विचित्र अपघातात दुचाकी चालक गंभीर जखमी झाला आहे. अपघातानंतर चारचाकी वाहन महामार्गालगत असलेल्या शेतात गेल्याची घटना सोमवारी अकाराच्या सुमारास घडली. जखमीला 108 रुग्णवाहिकेतून सांगली सिव्हील रुग्णालयात उपचारासाठी दाखल करण्यात आले आहे. या अपघातात दोन्ही वाहनाचे नुकसान झाले आहे. याबाबातची नोंद रात्री उशिरापर्यत  पोलिसांत झाली नव्हती

शिवाजी शिंदे जिल्हा प्रतिनिधी परभणी.  सेलू : दि.22 फेब्रु. "पुस्तके माणसाचे विचार प्रगल्भ करतात.विचारांच्या कक्षा रुंदावतात.सौंदर्याची सृष्टी आणि विचारांची दृष्टी देतात.ग्रंथ हे तीव्र उन्हाळ्यात सावली देणारी विश्रामस्थळे आहेत.म्हणून विद्यार्थी दशेपासूनच विद्यार्थ्यांनी ग्रंथास आपले सोबत करावयास हवे.असे प्रतिपादन सुरेश हिवाळे यांनी केले. श्रीमती ल.ला.रा.नूतन कन्या प्रशाला, सेलू येथे क्रान्तीसूर्य महात्मा फुले आणि भारतरत्न डॉ बाबासाहेब आंबेडकर यांच्या जयंतीनिमित्त आयोजित "वाचन प्रकल्प आठवडा" समारोप प्रसंगी प्रमुख अतिथी म्हणून सुरेश हिवाळे बोलत होते. व्यासपीठावर अध्यक्षस्थानी प्राचार्य डॉ शरद कुलकर्णी, प्र.अतिथी सुरेश हिवाळे , मुख्याध्यापिका उज्ज्वला लड्डा, डॉ बाबासाहेब थोरे, डॉ यशवंत कुलकर्णी, सुरेखाआगळे,भालचंद्र गांजापूरकर यांची उपस्थिती होती. कार्यक्रमाची सुरुवात क्रान्तीसूर्य महात्मा फुले आणि भारतरत्न डॉ बाबासाहेब आंबेडकर यांच्या प्रतिमा पुजनाने झाली.याप्रसंगी स्वरा देशपांडे आणि समीक्षा कुलकर्णी या विद्यार्थ्यांनीनी "वाचन प्रकल्प आठवडा अंतर्गत वाचन केले...

शिवाजी शिंदे जिल्हा प्रतिनिधी परभणी.  परभणी : परभणी  लोकसभा मतदार संघांमध्ये चौदाशे गावे आहेत. या चौदाशे गावांपैकी एक हजार गावांमध्ये मला लीड मिळणार आहे. हे मी अत्यंत विश्वासाने सांगतो. मला जर या एक हजार गावातून लीड मिळाले नाही तर मी खासदार म्हणून निवडून आल्यानंतरही खासदारकी सोडेल. मतदारसंघातील महानगरपालिका आणि नगरपालिकां मध्ये मला लीड मिळेल. घनसांगवी मतदारसंघातून पन्नास हजाराची लीड तर परभणी मतदार संघातून एक लाखाच्या वर मतदार मला लीड देतील, असा विश्वास आहे. त्यामुळे २०२४ ची लोकसभा निवडणूक मी एकतर्फी जिंकणार आहे, असा विश्वास महाविकास आघाडीचे उमेदवार संजय जाधव यांनी व्यक्त केला. परभणीतील अक्षदा मंगल कार्यालयात परभणी शहरातील प्रतिष्ठित व्यापारी नागरिक डॉक्टर यांच्याशी संवाद मेळाव्याचे आयोजन केले होते. यावेळी व्यासपीठावर खासदार फौजिया खान, आमदार डॉक्टर राहुल पाटील, विजय गव्हाणे, विवेक नावंदर यांच्यासह प्रमुख मान्यवर उपस्थित होते.

शिवाजी शिंदे जिल्हा प्रतिनिधी परभणी.   गौरला संवाद सभा परभणी : दि.  21 मराठ्यांनो राजकारणाच्या नादाला लागून आपल्या जीवनाचे वाटोळे करुन घेवू नका, असे आवाहन संघर्षयोध्दा मनोज जरांगे पाटील यांनी केले.पूर्णा तालुक्या तील गौर या ठिकाणी आयोजित केलेल्या संवाद बैठकीप्रसंगी ते बोलत होते. जरांगे यांनी यावेळी आपल्या भाषणातून हजार, दोन हजारांसाठी या निवडणूकीत कोणाच्या ही नादी लागू नका, राजकारणाच्या नादी लागून स्वतःचे वाटोळे करुन घेवू नका, असे आवाहनही केले. मराठा आरक्षणा साठीच्या संघर्षास मराठ्यांनी मोठ्या प्रमाणावर प्रतिसाद दिला. तो प्रतिसाद ऐतिहासिक राहिला. मराठा समाज त्यातून एक झाला, ती एकजूट आता महत्वाची आहे. आरक्षणासाठी सगे सोयर्‍याच्या अधिसूचनेची अंमलबजावनी करण्याकरीता निर्णायक लढाईची गरज आहे. तो लढा आपण सर्वजण एकमुखाने लढू, आपल्याविरुध्द अनेक षडयंत्र झाले. परंतु, आपण ते हाणून पाडले. आपण कधीही मागे हटलो नाही. मरेपर्यंत हटणारही नाही, असेही ते म्हणाले. 8 जून रोजी बीड जिल्ह्यातील नारायण गढ या ठिकाणी सभा होणार आहे. त्यासाठी 900 एक्कर जमीनीवर सभेच्या दृष्टीने सर्वतोपरी नि...

शिवाजी शिंदे जिल्हा प्रतिनिधी परभणी.  सेलू : सेलू शहराचे ग्रामदैवत श्री केशवराज बाबासाहेब महाराज यांचा आशीर्वाद घेऊन महाविकास आघाडीचे लोकप्रिय उमेदवार खा.संजय जाधव साहेब यांच्या प्रचारार्थ सेलू शहरात निघाले ल्या पदयात्रेत नागरिकांचा प्रचंड प्रतिसाद मिळाला. ठिकठिकाणी नागरिकांनी त्यांचे स्वागत करत विजया साठी शुभेच्छा दिल्या. तसेच आठवडी बाजार येथे सय्यद शहाबुद्दीन अवलिया यांच्या समाधीवर चादर चढवून आशीर्वाद घेतला. तसेच मा.आ.विजयराव भांबळे साहेब यांनी नागरिकांना आवाहन करत येत्या 26 तारखेला मशाल या चिन्ह समोरील बटन दाबून प्रचंड मतांनी विजयी करा असे आवाहन केले.आपले कार्य हीच आपल्या लोकप्रियतेची पावती असते. मा.खा.संजय जाधव साहेब हे कर्तृत्ववान आणि निष्ठावान खासदार आहेत. जनता जनार्दन आपल्या पाठीशी खंबीरपणे उभी आहे. सर्वजण आपल्या पाठीशी उभे आहेत. विजयाची आपल्याला कसलीही काळजी नाही. प्रत्यक्ष 'विजयच' आपल्या सोबत उभा आहे. विजयराव भांबळे साहेबांच्या नेतृत्वात जिंतूर व सेलू विधानसभा मतदार संघातून तसेच सेलू शहरातून मताधिक्य आपणास देऊ. आपला मोठा विजय होईल," असा विश्वास यावेळी ...

शिवाजी शिंदे जिल्हा प्रतिनिधी परभणी.  सेलू : सेलू येथील नगरपालिका स्वच्छ महाराष्ट्र अभियान अंतर्गत आज दिनांक १८ एप्रिल गुरूवार रोजी नगरपालिकेश  प्राप्त झालेल्या कुबोटा ट्रॅक्टरचे लोकार्पण सेलू नगर पालिकेचे मुख्याधिकारी तथा प्रशासक देविदास जाधव व सेलू नगर पालिकेचे उपमुख्यधिकारी बी.एस चव्हाण यांच्या हस्ते करण्यात आले. या वेळी  उबेद चाऊस प्रशाकीय अधिकारी,  शुभम धूत,लेखापाल मल्लिकार्जुन स्वामी कार्यालयीन अधीक्षक,  शेख शफी स्वच्छता निरीक्षक,  ज्ञानेश्वर जाधव,अंबादास बळी ,मुस्तबा खान सह कार्यालयीन कर्मचारी व स्वच्छता विभागातील कर्मचारी कैलास कापुरे, खंडू चव्हाण, देविदास पाटील, अनिकेत घेवारे, अन्सर रंगरेज महेंद्र ढाले उपस्थित होते

जयसिंगपूर :   शिरोळ-चौंडेश्वरी बायपास मार्गावरील धरणगुत्ती हद्दीत भरधाव चारचाकी कार  विद्युत खांबाला धडकली. सुदैवाने कोणतीही हानी झाली नसलीतरी वाहनाचे मोठे नुकसान झाले. प्रसंगावधान राखून कारचालक गाडीतून सुखरूप बाहेर पडला. या मार्गाचे रुंदीकरण झाल्यामुळे या मार्गावर वाहतुक वाढली आहे. रस्त्याच्या बाजूला असलेल्या महावितरणच्या डीपीला जोराची धडक बसल्याने विद्युत खांबही वाकला आहे.

चिकोडी प्रतिनिधी केरूर (तालुका चिकोडी) येथे जमीन वादातून एकाचा मारहाणीत  मृत्यू झाल्याची घटना आज दुपारी 12 वाजता घडली असून सदर घटनेमध्ये केरूर गावचा रहिवासी मल्लाप्पा शंकर नावी (वय 55 ) याचा याच गावातील चौघा जणांनी मारून खून केल्याची तक्रार मृत मल्लाप्पाचा मुलगा एकनाथ मल्लाप्पा न्हावी याने अंकली पोलीस स्थानकात तक्रार दिली असून अंकली पोलीस स्थानकाचे फौजदार काडप्पा जकन्नवर  पुढील तपास करीत आहेत.    याबाबत समजलेले माहिती अशी केरूर (तालुका चिकोडी) या  गावातील रहिवासी असलेले मल्लाप्पा शंकर नावी व शंकर खामकर व इतरांच्यात शेत जमिनीत वाद सुरू असून आज सकाळी मयत मल्लाप्पा  शंकर नावी त्याच्या मुलासह शेतातील काटेरी झुडपे तोडत असताना दुपारच्या वेळी आरोपी शंकर कामकर व त्याच्या मुलांनी ही झुडुपे तोडण्यास मनाई केली. तसेच शिवीगाळ करून जीवे मारण्याची धमकी दिली.  त्याबाबत तक्रार करण्यासाठी एकनाथ नावी अंकली पोलीस ठाण्यास गेला. परत शेतात येवून पाहता मल्लाप्पा नावी बेशुद्ध अवस्थेत आढळून आला. त्यानंतर एकनाथ वडिलांना उपचारासाठी चिकोडीकडे नेत असताना त्याचा वाटेत मृ...

शिरोळ प्रतिनिधी  शिरोळ तालुक्यात  बुधवारी सायंकाळी चार वाजण्याच्या सुमारास वळीव पावसाने दमदार हजेरी लावली अचानक आलेल्या पावसाने नागरिकांना सुख:द धक्का दिला शिरोळच्या आठवडी बाजारात व्यापारी भाजी विक्रेते आणि ग्राहकांची तारांबळ उडाली गेल्या अनेक दिवसापासून हवेत उष्मा अधिक जाणवत होता उष्माने नागरिकांच्या अंगाची लाही लाही होऊन जीव कासावीस होत होता अति उष्म्यामुळे नागरिक हैराण झाले होते त्यामुळे एखादा वळीव पाऊस या परिसरात पडावा अशी अपेक्षा नागरिकांची होती बुधवारी अचानक आलेल्या पावसामुळे नागरिकांना सुख:द धक्का मिळाला बुधवारी सकाळपासूनच हवेत उष्मा अधिक जाणवत होता ढगाळ वातावरण असूनही  उष्मा अधिक असल्यामुळे दुपारच्या वेळी तर रस्ते अक्षरशा ओस पडले होते सायंकाळी चार नंतर गारपिटाबरोबरच वादळी वाऱ्यासह वळीव पावसाने दमदार हजेरी लावली यामुळे काही काळ हवेत गारवा निर्माण झाला पाऊस झाल्यानंतर पुन्हा हवेत उष्मा निर्माण झाला अचानक आलेल्या पावसामुळे शिरोळ शहरातील श्री बुवाफन मंदिरासमोर भरणाऱ्या आठवडी बाजारातील भाजी विक्रेते व्यापारी ग्राहकांची अक्षरशः तारांबळ उडाली होती पण पाऊस होण...

इचलकरंजी - 'समाजसेवा हिच ईश्वरसेवा' या वाक्याप्रमाणे आपण ज्या समाजात वावरतो, जगतो त्या समाजाचे काही तरी देणे लागतो या उद्देशाने समाजसेवेच्या माध्यमातून स्वच्छता मोहीम, गोर-गरिबांची मदत, आरोग्य शिबीर राबवणे, जनजागृती करणे यासाठी राष्ट्रप्रेमी ग्रुप गणेशोत्सव मंडळ, भोणे माळ येथील सदस्यांकडून चालूवर्षी ईश्वरसेवा सोशल फौंडेशनची स्थापना करण्यात आली.             समाजाची सेवा करण्याच्या दिशेने पहिले पाऊल म्हणून रविवार दि. 14 एप्रिल, 2024 रोजी फॉउंडेशनच्या वतीने इचलकरंजी पंचगंगा नदी घाटावर स्वछता मोहीम राबविण्यात आली. नदी घाटावर पडलेले निर्माल्य, खराब फोटो, प्लास्टिक पिशव्या, बाटल्या आणि इतर कचरा एकत्रित करून ते महानगरपालिकेच्या कचराकुंडीत टाकण्यात आले व घाट परिसर स्वच्छ करण्यात आले. या समाजकार्याबद्दल समाजातून सर्व कार्यकर्त्यांचे कौतुक करून समाधान व्यक्त करण्यात आले. या प्रसंगी सर्व सदस्यांकडून येणाऱ्या काळात फौंडेशन च्या वतीने आणखीन चांगली समाज हिताची कामे करणार असल्याचे सांगण्यात आले. तसेच फौंडेशनच्या वतीने भारतरत्न डॉ. बाबासाहेब आंबेडकर यांच्या १३४...

जयसिंगपूर : चोकाक ते उदगांव दरम्यान नवीन होणार्‍या नागपूर-रत्नागिरी राष्ट्रीय महामार्गासाठी मजले (ता.हातकणंगले) येथे सुरु असलेले मोजणीचे काम शेतकर्‍यांनी सोमवारी सकाळी साडे अकराच्या सुमारास बंद पाडले. त्यानंतर राष्ट्रीय प्राधिकरण व भुमिअभिलेख कार्यालयाच्या कर्मचार्‍यांनी पोलिस बंदोबस्त बोलावून घेतल्याने शेतकर्‍यांनी आक्रमक भुमिका घेतली. यावेळी हातकणंगले पोलिस ठाण्याचे पोलिस निरीक्षक अशोक सायकर यांनी भुसंपादन उपजिल्हाधिकारी विवेक काळे व प्रकल्प संचालक यांच्याशी संपर्क केला. त्यानंतर शेतकर्‍यांच्या विरोधांची भुमिका लक्षात घेवून आचारसंहिता होईपर्यत मोजणीचे काम थांबविणेबाबात उपजिल्हाधिकारी काळे यांनी सुचना केल्या. कोल्हापूर येथे जिल्हाधिकारी कार्यालयात राष्ट्रीय प्राधिकरण, भुसंपादन उपजिल्हाधिकारी व कृती समितीची 12 मार्च रोजी बैठक झाली होती. यात चोकाक ते उदगांव-अंकली दरम्यान फक्त डिमार्केशन करण्याचा निर्णय झाला होता. मात्र राष्ट्रीय प्राधिकरण विभागाने डिमार्केशन पुर्ण करून आता मोजणीला सुरुवात केली आहे. गेल्या चार दिवसापुर्वी चोकाक येथे शेतकर्‍यांनी मोजणी बंद पाडली होती. दरम्यान,...

जयसिंगपूर :   उदगाव (ता. शिरोळ) येथे सचिन अज्ञान चव्हाण (वय २४, मुळ गाव रा.कुपवाड, जि.सांगली) याच्या खुनप्रकरणातील फरारी असलेल्या आणखी दोघांना जयसिंगपूर पोलिसांनी सांगली कोल्हापूर बायपास महामार्गावर उदगाव येथील हॉटेल सिग्नेचर जवळ अटक केली. अमित बाळू वाघमोडे (वय २६, रा.वाघमोडेनगर मिरज, जि.सांगली) व सोनल उर्फ तुषार साखळे (वय २९, रा.बामनोळी रोड कुपवाड) अशी संशयीतांची नावे आहेत. त्यांना रविवारी जयसिंगपूर येथील न्यायालयात उभे केले असता तीन दिवसाची पोलिस कोठडी सुनावण्यात आली. उदगाव येथे सचिन चव्हाण याचा एडक्याने वार करुन खुन झाला होता. या खुनप्रकरणी यापुर्वी चौघांना अटक करण्यात आली होती. दरम्यान या खुनप्रकरणातील मोटारसायकलीवरुन अन्य दोघे संशयीत फरारी झाले होते. याचा शोध जयसिंगपूर पोलिसांकडून सुरु होता. दरम्यान या संशयीतांना अटक करण्यात पोलिसांना यश आले असून त्यांना जयसिंगपूर न्यायालयात रविवारी उभे करण्यात आले. न्यायालयाने संशयीत आरोपींना तीन दिवसाची पोलिस कोठडी सुनावली. दरम्यान, या खुनप्रकरणातील आतापर्यंत सहा आरोपींना अटक झाली असल्याची माहिती पोलिस निरीक्षक सत्यवान हाके ...

कोल्हापूर : ( सुरेश केसरकर ) शिवाजी विद्यापीठ मराठी शिक्षक संघ आणि महावीर महाविद्यालय कोल्हापूर यांच्या संयुक्त विद्यमाने मॉरिशस येथील मराठी सांस्कृतिक मंडळ आणि मराठी मंडळ यांच्यावतीने  शिविम संशोधन पत्रिकेचे प्रकाशन करण्यात आले. तसेच या कार्यक्रमाचे औचित्य साधून डॉ. बाबासाहेब आंबेडकर आणि महात्मा फुले यांची जयंती ही साजरी करण्यात आली. शिवाजी विद्यापीठ मराठी शिक्षक संघाच्या वतीने मॉरिशस येथे घेतलेल्या आंतरराष्ट्रीय  चर्चासत्रातील विशेषांकाचे प्रकाशन यावेळी मान्यवरांच्या हस्ते करण्यात आले. याप्रसंगी.मॉरिशस सांस्कृतिक मंडळाचे प्रमुख अर्जुन पुतळाजी म्हणाले, महाराष्ट्र आणि मॉरिशस यांचा सांस्कृतिक संबंध दृढ असून येथील लोककला आणि लोक परंपरांचे संवर्धन मॉरिशस मधील मराठी मंडळ करत आहे. मराठी मंडळाचे अध्यक्ष नितीन बापू यांनीही आपले मनोगत व्यक्त केले. कार्यक्रमाचे अध्यक्षस्थानी महाविद्यालयाचे प्राचार्य डॉ. राजेंद्र लोखंडे होते. प्राचार्य लोखंडे म्हणाले, मॉरिशस मधील मराठी विद्यार्थ्यांना आमच्या महाविद्यालयामध्ये मराठीचे शिक्षण घेण्यासाठी नेहमीच प्रवेश खुला असून आमचे महाविद्यालय...

राजु मुंडे निपाणी -  विश्वरत्न डॉ. बाबासाहेब आंबेडकर यांच्या 133 व्या जयंती निमित्त निपाणी चे माजी आमदार काकासाहेब पाटील, माजी मंत्री विरकुमार पाटील, चिकोडी जिल्हा काँग्रेस अध्यक्ष लक्ष्मणराव चिंगळे यांनी निपाणी नगरापालिका येथील  डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले. यावेळी ऍड. अविनाश कट्टी,माजी नगराध्यक्ष पप्पू चव्हाण,अशोक लाखे,नंदकुमार कांबळे, जरारखान पठाण,झाकीर कादरी,तातोबा कागले, नवनाथ चव्हाण, प्रतीक शहा तसेच कार्यकर्ते उपस्थित होते.      

शिवाजी शिंदे जिल्हा प्रतिनिधि परभणी.  सेलू : सेलू येथील कै. आण्णासाहेब काकडे सेवाभावी संस्थेच्या वतीने महात्मा ज्योतिबा फुले व डॉ. बाबासाहेब आंबेडकर यांच्या जयंतीनिमित्त संस्थेचे अध्यक्ष अशोक नाना काकडे यांच्या वतीने "सन्मान कर्तृत्वाचा" वर्ष ३ रे या सोहळ्याचे आयोजन शनिवारी (दि. १३) सायंकाळी ६ वाजता साई नाटयगृहात करण्यात आले होते.   सेलू तालुका हे मराठवाड्यातील सांस्कृतिक शहर म्हणून ओळखले जाणारे शहर आहे. अशा या सांस्कृतिक वारसा जपणाऱ्या तालुक्याने समाजामध्ये अनेक हिरे घडवले आणि आशा बहुमूल्य व्यक्तींचा सत्कार म्हणून या कार्यक्रमाचे आयोजन करण्यात येते. या कार्यक्रमात गौरव करण्यात आलेल्या व्यक्ती सोबत त्यांच्या परिवारांचा सुद्धा गौरव करण्यात आला. समारंभाच्या अध्यक्ष स्थानी माजी आ. विजय भांबळे  प्रमुख पाहुणे कवी इंद्रजीत भालेराव, पाटबंधारे विभाग कार्यकारी अभियंता प्रसाद लांब, प्राचार्य डॉ. शरद कुलकर्णी, उद्योजक रामप्रसाद घोडके, अशोक नाना काकडे,संतोष कुलकर्णी, अशोक वाडकर, गोपाळ काबरा, प्रल्हाद कान्हेकर,दत्तात्रय(नाना) पावडे व सेलू तील प्रतिष्ठित मान्यवर मंडळी ...

डॉ. प्रशांत चंदर निर्मळे यांची राष्ट्रीय रविदास क्रांती सेनेच्या प महाराष्ट्र अध्यक्ष पदी नियुक्ती करण्यात आली आहे त्याबद्दल त्यांचे हार्दिक हार्दिक अभिनंदन व पुढील कार्यास हार्दिक शुभेच्छा

जयसिंगपूर : कुपवाड येथे 2020 मध्ये दत्ता पाटोळे या तरुणाच्या खुन प्रकरणातील संशयित आरोपीचा पाठलाग करून धारदार हत्याराने वार करून सचिन अज्ञान चव्हाण (वय 24, मुळगाव रा.मु.बसाप्पाचीवाडी पो.कोकळे, ता.कवठेमहांकाळ, जि.सांगली, सध्या रा.शाहूनगर जयसिंगपूर) यांचा खुन केल्याची गुरुवारी दुपारी उदगांव (ता.शिरोळ) येथे घडली होती. या प्रकरणातील साहिल अस्लम समलीवाले (वय 26, रा.वाघमोडेनगर कुपवाड जि.सांगली) व परशुराम हणमंत बजंत्री (वय 25, रा.अलिशाननगर कुपवाड जि.सांगली) यांना निभर्या पथकांच्या पोलिसांनी घटनास्थळाजवळच खुनाच्या घटनेनंतरच लगेच ताब्यात घेतले होते. त्यानंतर जयसिंगपूर व कुपवाड पोलिसांनी प्रथमेश उर्फ गोठ्या आनंदा माने (वय 19 रा.हडको कॉलनी कुपवाड ता.मिरज) व गजानन मनोहर सरगर (वय 41 रा.वाघमोडेनगर कुपवाड ता.मिरज) या दोघांना गुरूवारी रात्री ताब्यात घेतले होते. त्यानंतर शुक्रवारी जयसिंगपूर येथील प्रथमवर्ग न्यायालयासमोर या खुनातील संशयित आरोपी चौघांना उभे केले असता. पाच दिवसांची पोलिस कोठडी सुनावण्यात आली आहे. दरम्यान, या खुन प्रकरणात अमित बाळू वाघमोडे (रा.वाघमोडेनगर कुपवाड) व सोनल उर्फ तुष...

शिरोळ :येथील राजर्षि शाहू विद्या मंदिर शिरोळ नं.१ येथे महाराष्ट्र राज्य प्राथमिक शिक्षक समितीच्या शिरोळ तालुका त्रैवार्षिक अधिवेशन संपन्न झाले. यावेळी नूतन कार्यकारणी जाहीर करण्यात आली.जिल्हा सल्लागार सुरेश पाटील,जिल्हा उपाध्यक्ष बाजीराव खाडे, तालुकाध्यक्ष - विनायक मगदूम,सरचिटणीस -राजेशकुमार यादव,कार्याध्यक्ष - बाळासो कोळी तर कोषाध्यक्षपदी संजय पाटील, महिला आघाडी प्रमुख सविता जाधव,उपाध्यक्षा -नीता चव्हाण व महिला संघटक पदी सुमन भबुजे,जयसिंगपूर नगरपालिका शाखा अध्यक्ष पदी श्रीकांत कुरणे तर सरचिटणीसपदी तौफिक शेख यांची निवड करण्यात आली.          अध्यक्षस्थानी जिल्हाध्यक्ष प्रमोद तौंदकर होते.प्रमुख पाहुणे म्हणून सयाजीराव पाटील होते.            प्रास्ताविक  मावळते तालुकाध्यक्ष सुरेश पाटील यांनी केले.        यावेळी शिक्षक नेते भगवान कोळी,शिक्षक बॅंक चेअरमन व राज्य संघटक राजेंद्रकुमार पाटील,पुणे विभागीय अध्यक्ष अर्जुन पाटील,शिक्षक नेते जोतीराम पाटील,महानगर पालिका राज्याध्यक्ष -सुधाकर सावंत, राज्य कार्याध्...

शिवाजी शिंदे जिल्हा प्रतिनिधी परभणी. सेलू :- सेलू येथील सतत दहा वर्षा पासून बॅको पुरस्कार, महाराष्ट्र स्टेट कॉ ऑप असोसिएशन चा पद्मभूषण कै वसंत दादा पाटील उत्कृष्ट नागरी सह. बंक पुरस्कार, व बेस्ट चेअरमन पुरस्कार मिळवनाऱ्या साईबाबा बॅकेच्या मार्च 2024 अखेर  सर्व टॅक्स व तरतुदी वजा जाता 1कोटी 90 लाख  रूपये  नफा झाला आहे.  यात ढोबळ नफा 4 कोटी  37लाख  झाला आहे संपलेल्या आर्थिक वर्षात बँक  कडे भाग भांडवलं  6 कोटी  2 लाख आहे एकून स्व निधी 15 कोटी 83लक्ष आहे मार्च अखेर  ठेवी  210 कोटी 68 लाख आहेत. कर्ज वाटप120 कोटी आहेत. बँकेचे नेट एन पि ए 0.%  ग्रास एन. पि. ए. 6.28 %  आहे. एकूण सभासद 8896 आहेत. सर्व शाखा  नफ्यात आहेत. दहा वर्षा पासून सभासद ना 10% वाटप करीत आहोत. या पुढे  बँकेचा नेट एन .पि. ए .श्यून्य टक्के राहील या दृष्टीं ने नियोजन असल्याचे माहिती पत्रकार परिषद मध्ये संस्थापक अध्यक्ष आडळकर हेमंतराव यांनी दिली . ग्राहकांनी जास्ती जास्त ए टि एम, पि ओ एस, इ कॉम,  मोबाईल बँकिंग, क्यू आर कोडं,आय...

जयसिंगपूर प्रतिनिधी: पूर्ववैमनस्यातून कुपवाडच्या तरुणाचा धारदार हत्याराने उदगाव येथे दुपारी खुन झाल्याची घटना घडली. सचिन अज्ञान चव्हाण (वय २४, मुळ गाव रा.मु.बसाप्पाची वाडी पो.कोकळे, ता.कवठेमहांकाळ, जि.सांगली, सध्या रा.शाहूनगर जयसिंगपूर) असे मृताचे नाव आहे. पाठलाग करुन हा खुन करण्यात आला.  निर्भया पथकाच्या सतर्कतेमुळे दोघा संशयीतांना अटक करण्यात आली. साहिल असलम समलीवाले (वय २६, रा.वाघमोडे नगर कुपवाड) व परशुराम हणमंत बजंत्री (वय २५, रा.अलिशान नगर) अशी संशयीतांची नावे आहेत. तर अन्य काही संशयीतांचा शोध पोलिसांकडून सुरु आहे. घटनास्थळी बघ्यांनी मोठी गर्दी केली होती. याबाबत पोलिसांतून मिळालेली माहिती अशी, कुपवाड येथे २०२० मध्ये दत्ता पाटोळे या तरुणाचा खुन झाला होता. या खुनाच्या आरोपाखाली सचिन चव्हाण याला अटक करण्यात आली होती. महिन्याभरापूर्वी तो जामिनावर कारागृहातून सुटून आला होता. त्याचे आई, वडील, भाऊ हे तिघेजण जयसिंगपूर येथील सुदर्शन चौक येथे चार वर्षापासून वास्तव्यास आहेत. गुरुवारी सचिन हा जयसिंगपूरहून सांगली येथे मित्रांना भेटण्यासाठी गेला होता. संशयीत सचिन या...