रिपब्लिकन पार्टी आँफ इंडिया ( आठवले ) पक्षाच्या सल्लागार पदी रंगराव कांबळे तर उल्हास भोसले यांची उपाध्यक्ष पदी निवड.
यड्राव ( प्रतिनिधी ) ः येथील सामाजिक कार्यकर्ते व ग्रामपंचायत सद्स्य रंगराव गणपती कांबळे यांची शिरोळ तालुका रिपब्लिकन पार्टी आँफ इंडिया (आठवले ) पक्षाच्या सल्लागार पदी तर माजी सरपंच उल्हास विठ्ठल भोसले यांची उपाध्यक्ष पदी निवड करण्यात आली. सदर निवडीचे पत्र शिरोळ तालुका रिपब्लिकन पार्टी आँफ इंडिया (आठवले ) पक्षाचे अध्यक्ष संजय शिंदे यांच्या हस्ते व शिरोळ तालुका कार्याध्यक्ष मारुती मोहिते, कोल्हापूर जिल्हा संघटक गौतम कांबळे यांच्या प्रमुख उपस्थितीत देण्यात आले. सदर निवड नाम. रामदास आठवले यांच्या नेतृत्वावर विश्वास ठेवून सामाजिक न्यायाचा लढा पक्षाच्या माध्यमातून यशस्वीपणे व अविरतपणे लढत आहात. या आपल्या आंबेडकरी चळवळीतील सहभागाची व आजपर्यंत नाम. रामदास आठवले यांच्यावर दृढ विश्वास ठेवून केलेल्या अन्याय आत्याचाराच्या विरोधात आंदोलनाची व पक्ष बांधणीच्या कामातील सहभागाची दखल घेऊन तसेच सर्वसामान्य जनता ते तळागाळातील जनतेपर्यंत रिपब्लिकन पार्टी आँफ इंडिया (आठवले ) पक्ष बळकट व मजबूत कराल या उद्देशाने निवड करण्यात आली असल्याचे निवडपत्रात म्हटले आहे. सदर कार्यक्रम कुरुंदवाड येथील सधना मंडळाच्या सभागृहात सामाजिक कार्यकर्ते व यड्राव ग्रा. प. सद्स्य रंगराव कांबळे यांच्या अध्यक्षतेखाली घेण्यात आला. सामाजिक कार्यकर्ते रंगराव कांबळे व माजी सरपंच उल्हास भोसले यांची झालेल्या निवडीबद्दल त्यांच्यावर विविध क्षेत्रातील मान्यवरांकडून अभिनंदनाचा वर्षाव होत आहे.
टिप्पण्या