मातंग साहित्य परिषद, पुणे यांजकडून " हेलपाटा " कादंबरीला साहित्यरत्न अण्णाभाऊ साठे वाड् मय पुरस्कार 2024 जाहिर ...

कवि सरकार इंगळी

        मातंग साहित्य परिषद - पुणे यांजकडून " हेलपाटा " कादंबरीला साहित्यरत्न लोकशाहीर अण्णाभाऊ साठे वाड् मय साहित्य पुरस्कार 2024 जाहीर झाल्याचे संस्थेचे सन्मानिय संस्थापक, अध्यक्ष मा. डाॅ . श्रीयुत धनंजय भिसे सर यांनी जाहीर केले आहे .

       साहित्य क्षेञातील अतिशय मानाचा असा साहित्यरत्न अण्णाभाऊ साठे साहित्य वाड् मय पुरस्कार येत्या 11 फेब्रुवारी 2024 रोजी दुसर्‍या मातंगऋषी साहित्य संमेलनामध्ये ज्येष्ठ साहित्यिक व सामाजिक कार्यकर्ते पद्मश्री . मा .श्री गिरीश प्रभुणे सर संमेलनाध्यक्ष व मा. श्री . शंकरशेठ जगताप साहेब स्वागताध्यक्ष व इतर मान्यवर डाॅ धनंजय भिसे सर यांचे उपस्थितित होणार आहे . सदरचे साहित्य संमेलन ' राजवाडा लाॅन्स' काळेवाडी पिंपरी येथे संपन्न होणार आहे . 

      " हेलपाटा " कादंबरीला या  वर्षातला हा तिसरा अतिशय मानाचा पुरस्कार प्राप्त झाला असुन यापुर्वी ' जामनेर येथिल साहित्य संस्कृती मंडळ जामनेर यांचा उत्कृष्ट कादंबरी व संत सावता माळी साहित्य मंडळ वरुड अमरावती यांचा सर्वोउकृष्ट कादंबरी पुरस्कार मिळाला आहे .  या पुरस्कारामुळे सर्वञ " हेलपाटा " कादंबरीचे कौतुक होत असुन " हेलपाटा " कादंबरीवर मान्यवरांकडुन कौतुकाचा वर्षाव होत आहे . त्यामुळे संघर्षमय व हृदयस्पर्शी कादंबरी जनमाणसात अढळ स्थान निर्माण करेल अशी आशा कादंबरीचे लेखक तानाजी धरणे यांना आहे .